قصيده في أبو متعب الله يخليه لنا

لدار حكامٍ لها درع جبار

ولـدار شعـب وشـعـبهـا في وعـدها

ياراس شوش يحق لك للتخبتار

دارك على روس الصدارة وحدها

من وين مالديت عينك للانظار

تلقى السعـــادة تحتضن في رغدها

دار السعود مطوعت كل قهار

الي عـلـى روس المـعـالـي عــمدها

روس الحرار الي على الصيد تختار

نـــقـوة طــرب مـاكـل حرٍ وجـدهــا

ولاعودت لطيب وافين الأشبار

سعد القلوب الي طـغـاهـا نـكدها

أخوان نورة لاغدى عج وغبار

هــذا مـطـرها ذا وهـذا رعــدها

اليا عطوا مثل السحايب والأمطار

مــدات جــودٍ مايحسـب عـددها

حنا لهم من واهج النار لنار

نــحرق جسمنا ويـــتـبـعـثـر ردمـهــا

فيا خادم البيتين أنا أقول لو صار

نفسك من الضيقة تزايد جهدها

ولديت عينك مرة يمين ويسار

وغـــديـت مــثــل الي دياره فقدها

وصوت ياشعبي ويا درع ذا الدار

وش هي نتايج دعوتك وش بعدها

بتشوف لك جيشٍ على روس الأقطار

قــومٍ تــحـب الــمـــوت لرضى بلدها

لجلك يابو متعب ذرى كل منهار

الأم حـــتـــى الأم تـــذبـــح ولــــــدهـــا

لاصار ماهو سيف للحق بتار

ولاصار ماجاء دعوتك في وعدها

نموت لجل الدار ونبيع الاعمار

نــعــم نـــعــم والـــدار حنـا سعـدها

من دونها أرواحنا تهدر أهدار

مــوتــت شـرف ذلـيــل مـن هو فقدها

حنا ذراع الدار من دونها أسوار

نــحــمــي مــواطــنــا ونــبقى سندها

كل القبايل ترخص الروح وتغار

ومــافـــيـــه نــــفــسٍ مـــاتغــار لبلدها

هذا وأنا من لابتٍ عز للجار

طــــب الـــقــلــوب الي زمنها عقدها

هواجرٍ وألنا على كف الأقدار

صفــحة شرف تبقى ويبقى مددها



تركي بن عبدلله الهاجري



طبعاً تركي هذا يطلع أخوي من أمي وأبوي

صح بدنك يالغاليه

واشكرك على مرورك

صح بدنك يالغاليه

وشاكر لك على مرورك

وانتظروا المزيد من قصايد اخوي في منتداكم

من وين مالديت عينك للانظار

تلقى السعـــادة تحتضن في رغدها


انــا اشهــد ..
صح الله لسانك ولسانه
لاهنت اخووي
ونتشرف بدعوهـ اخوكـ للمنتدى ..
إختكـ
تعب قلبــي

تعب قلبي لاهنتي على المرور يالغلا

صح لسان شاعرهــا وسلمت يميــن ناقلهــا
وعساك ع القوهـ انت واخوك ويستاهلون أخــوآن نورهـ
وونعــم بالهواجــر وتقبــل مروريـــ أخـــوكـ عتيبــي كولـ